Dastlabki ma’lumotlarga ko‘ra, Surxondaryo viloyatida 2026-yil yanvar oyi davomida xizmatlar sohasida barqaror iqtisodiy o‘sish sur’atlari kuzatildi. Norasmiy va yashirin iqtisodiyotni baholash bo‘yicha o‘tkazilgan statistik kuzatuvlar natijalari hisobga olingan holda, bozor xizmatlari hajmi 2 572,9 mlrd so‘mni tashkil etdi.
Ushbu ko‘rsatkich 2025-yilning mos davriga nisbatan tahlil qilinganda, quyidagi dinamika aniqlandi:
O‘sish sur’ati: 115,0 %;
Mutloq o‘sish hajmi: 465,4 mlrd so‘m.
Ma’lumot uchun: 2025-yil yanvar oylarida xizmatlar hajmi 2 107,5 mlrd so‘mni, o‘sish sur’ati esa 110,7 % ni tashkil etgan.
