Joriy yilning 7-mart kuni Oʻzbekiston Respublikasi Milliy statistika qo‘mitasida Ma’naviyat va ma’rifat kengashi va Kasaba uyushma qo‘mitasi tomonidan 8- mart – Xalqaro xotin-qizlar kuni munosabati bilan ayollar uchun bayram tadbiri tashkil etildi.
Milliy statistika qo‘mitasi raisi dilbar opa-singillarni 8- mart bayrami bilan samimiy muborakbod etdi. Ayollarning jamiyatdagi o‘rnini yanada yuksaltirish va mustahkamlash, ularning ijtimoiy himoyasini kuchaytirish borasida davlatimiz tomonidan yuksak e’tibor qaratilayotganligini ta’kidlab o‘tdi.
Go‘zal va betakror, sevgi-muhabbat va sadoqat timsoli bo‘lgan ayollarga sihat-salomatlik, bahoriy kayfiyat, baxt-saodat, xonadonlarida tinchlik-xotirjamlik, fayzu baraka doimiy hamroh bo‘lsin!
Barcha ezgu orzu-niyatlaringiz amalga oshsin aziz ayollar, qadrli opa-singillar!
Samimiy va cheksiz hurmat ila, Milliy statistika qo‘mitasi jamoasi