Joriy yilning 7-fevral kuni Statistika agentligida xodimlarning huquqiy savodxonligini oshirish hamda qabul qilinayotgan normativ-huquqiy hujjatlarning mazmun-mohiyatini tushuntirish bo‘yicha huquqiy targ‘ibot tadbiri o‘tkazildi. Mazkur tadbirda Statistika agentligi markaziy apparati xodimlari ishtirok etishdi.
Tadbirni Statistika agentligining Yuridik bo‘limi yetakchi yuriskonsulti Orifjon Soliyev ochib, bugungi kunda mamlakatimizda olib borilayotgan islohotlar haqida so‘z yuritdi.
Shuningdek, xodimlarga joriy yil boshidan bugunga qadar qabul qilingan normativ-huquqiy hujjatlarning mazmun-mohiyati, maqsad va vazifalarini tushuntirildi.
Jumladan, O‘zbekiston Respublikasi Prezidentining 2025-yil 27-yanvardagi “Uy-joy qurilishi sohasini yanada rivojlantirish, turar va noturar joy obyektlarini ulush kiritish asosida qurish jarayonini tartibga solish mexanizmlarini takomillashtirish chora-tadbirlari to‘g‘risida” PF-11-son Farmoni hamda O‘zbekiston Respublikasi Prezidentining 2025-yil 28-yanvardagi “Farmatsevtika tarmog‘ini jadal rivojlantirishga oid qo‘shimcha chora-tadbirlar to‘g‘risida” PF-13-son Farmonining mazmun mohiyati va vazifalari bayon etildi.
Shuningdek, xodimlarga jismoniy va yuridik shaxslarning murojaatlari asosida statistika ma’lumotlarini taqdim etish faoliyati hamda ularning huquqiy asosi bo‘lgan O‘zbekiston Respublikasining 2021-yil 11-avgustda qabul qilingan “Rasmiy statistika to‘g‘risida”gi O‘RQ-707-son Qonuni hamda O‘zbekiston Respublikasi Vazirlar Mahkamasining 2023-yil 20-noyabrdagi “Davlat xizmatlarini ko‘rsatishni tartibga soluvchi normativ-huquqiy hujjatlarni tizimlashtirish chora-tadbirlari to‘g‘risida” 612-son qarorining mazmun-mohiyati va huquqiy jihatlari tushuntirildi.
Tadbir yakunida ishtirokchilarining savollariga batafsil tushunchalar berildi.