Joriy yilning 22-yanvar kuni Surxondaryo viloyati statistika boshqarmasida Termiz iqtisodiyot va servis universiteti talabalari uchun press tur tashkil etildi. Statistika sohasiga qiziquvchi talabalar boshqarma tarmoq bo'limlaridan o'zlarini qiziqtirgan savollariga javoblar olishdi hamda ish jarayonlari bilan yaqindan tanishdilar.
Shundan so'ng, Surxondaryo viloyati statistika boshqarmasi Ro'yxatga olish jarayonlarini tashkil etish va o'tkazish bo'limi tomonidan Aholini roʻyxatga olish va uni o'tkazish mavzusida davra suhbati tashkil etildi.
Tadbirda viloyat Statistika boshqarmasi Roʻyxatga olish jarayonlarini tashkil etish va oʻtkazish bo'limining mas'ul xodimlari, universitet oʻqituvchilari va talabalar ishtirok etdi.
Muloqot davomida aholini roʼyxatga olish toʻgʻrisidagi Prezident farmon, qaror va qonunlari hamda tadbirning asosiy maqsad va vazifalari, bu borada koʻrilayotgan tayyorgarlik jarayonlari haqida soʻz yuritildi.
Tadbir mobaynida mavzu boʻyicha berilgan maʼlumotlar asosida ishtirokchilarning fikr mulohazalari va takliflari tinglandi va ularni qiziqtirgan savollariga javoblar berildi.