Joriy yilning 19–21-avgust kunlari Oʻzbekiston Respublikasi Prezidenti huzuridagi Statistika agentligida Turkiya Statistika instituti hamda Turkiya hamkorlik va muvofiqlashtirish agentligi (TIKA) hamkorligida o‘quv kursi boʻlib oʻtmoqda.
Tadbirning ochilish marosimida Oʻzbekiston Respublikasi Prezidenti huzuridagi Statistika agentligi direktori Begalov Baxodir Abdusalomovich boshchiligidagi statistika tizimi xodimlari hamda Turkiya Statistika instituti Xalqaro savdo statistikasi boshqarma boshligʻi, delegatsiya rahbari Djixat Erdje Ishbashar, Xalqaro tovar savdosi statistikasi guruhi rahbari Eyyup Mexmet Dinch, Xalqaro xizmatlar savdosi statistikasi guruhi rahbari Yusuf Kenan Orxan, Turizm statistikasi guruhi rahbari Ozgyur Volkan Suyer hamda Turkiya hamkorlik va muvofiqlashtirish agentligining Oʻzbekistondagi vakolatxonasi rahbari Ali Riza Tezjan janoblari ishtirok etishdi.
O‘quv kursi davomida tashqi savdo statistikasi, xizmatlar tashqi savdosi statistikasi hamda turizm statistikasi yo‘nalishlarida turk tajribasi o‘rganilmoqda.
Tadbir yakunida trening ishtirokchilari Turkiya Statistika instituti, Turkiya hamkorlik va muvofiqlashtirish agentligi va Oʻzbekiston Respublikasi Prezidenti huzuridagi Statistika agentligining Xalqaro savdo va turizm yo‘nalishida malaka oshirganlik sertifikati bilan taqdirlanadilar.
