Marosimda markaz direktori Abror Mamadaliyev xalqaro sport musobaqalarida O‘zbekiston sharafini munosib himoya qilib kelayotgan yosh sportchilar hayotida ona tilining ahamiyati, milliy g‘ururni yuksaltirishdagi o‘rni haqida so‘z yuritdi.
Tadbirda markaz o‘quvchi-sportchilari joriy yilning oktyabr oyiga qadar saksondan ortiq xalqaro musobaqalarda ishtirok yetib, jahon chempionatlarida 6 ta oltin, 1 ta kumush va 2 ta bronza medali, Osiyo chempionatlarida 7 ta oltin, 7 ta kumush va 14 ta bronza medallarni qo‘lga kiritgani ta’kidlandi.
O‘quvchi-sportchilarning badiiy chiqishlari, aytgan she’r va qo‘shiqlari bayram ishtirokchilariga yanada ko‘tarinki kayfiyat baxsh etdi.
O‘zA