2024- yil 9–10- oktabr kunlari Polshaning Varshava shahrida O‘zbekiston Respublikasi Prezidenti huzuridagi Statistika agentligi xodimlari uchun tajriba almashish maqsadida uchrashuvlar tashkil etildi.
Ushbu uchrashuvlar davomida,
- “Polsha statistikasiga nazar”;
- “Ma’lumotlarni boshqarish – xalqaro statistik hamjamiyatdagi tushuncha va misollar”;
- “Amaldagi metodologiyalar – Polsha ishchi kuchi tadqiqotining metodologiyasida xalqaro standartlarni joriy etish”;
- “Qisqa muddatli statistika – milliy va Yevropa istiqbollari, foydalanilgan ma’lumotlar manbalari”;
- “Polsha Statistika boshqarmasining Polsha ochiq ma’lumotlar portali bilan hamkorlik qilish tajribasi va ma’lumotlarni ochiqlashi”;
- “Statistika sohasidagi innovatsion faoliyat, Polsha rasmiy statistikasida innovatsion madaniyatni yaratish” kabi mavzularda taqdimotlar bilan tanishildi va muhokamalar qilindi.
Uchrashuv yakunida tomonlar o‘zaro Statistika hamda Ochiq ma’lumotlar sohalarini rivojlantirish maqsadida ikki tomonlama hamkorlik va tajriba almashishga kelishib olishdi.
