Welcome to Surxonstat   Click to listen highlighted text! Welcome to Surxonstat Powered By GSpeech

Viloyatimiz aholisini ijtimoiy-tibbiy himoya qilishni kuchaytirish, ularga tibbiy-profilaktik yordam koʼrsatish, “COVID-19” koronavirusi kasalligi belgilari paydo boʼlganda zarur maslahat hamda axborot berishga qaratilgan “Call-center” tunu kun – uzluksiz faoliyat koʼrsatish markazi faoliyat boshladi.

Denov tumanidagi harbiy qismda kuni kecha Vatanga sadoqat bilan xizmat qilishga qasamyod qilgan, qisqa fursat ichida ofitser va serjantlardan qurol-aslaha va harbiy texnikalardan foydalanish boʼyicha yetarlicha bilim va koʼnikma olgan yigitlarga bugun jangovar qurol-aslaha va harbiy texnikalar tantanali ravishda biriktirildi.

Jarqoʼrgʼon tumanida “Jasur agromash servis MTP” masʼuliyati cheklangan jamiyati tomonidan amalga oshirilgan gipsokarton mahsulotlari ishlab chiqarish loyihasining umumiy qiymati 2,5 million dollar boʼlib, uning 1,250 million dollari tashabbuskorniki, 1,250 million dollar xizmat koʼrsatuvchi tijorat banki kredit mablagʼidir.

Korxona yiliga 5 000 kv.m. gipsokarton mahsulotlari ishlab chiqarish quvvatiga ega boʼlib, tayyor mahsulotning 50-60 foizi eksportga, qolgan qismi viloyatimizning shahar va tumanlari hamda Respublikamizning boshqa hududlariga yoʼnaltirilmoqda.

Korxonada 75 nafar fuqaroning bandligi taʼminlangan. 

“Jasur agromash servis MTP” MChJ tomonidan korxona faoliyatini kengaytirish, tovar va xizmatlar turini koʼpaytirish maqsadida yil yakuniga qadar rotband, shpatlyovka, mel va boshqa quruq qurilish aralashmalari, shuningdek, gipsokarton plitalarini qotirishda ishlatiladigan profillar, shurup, samorezlar ishlab chiqarishni yoʼlga qoʼyish rejalashtirilgan. Buning natijasida korxonada yana qoʼshimcha 100 ta yangi ish oʼrni yaratiladi.

 

Surxondaryo viloyati hokimligi matbuot xizmati

 

 

Surxondaryo viloyati hokimi Toʼra Bobolov Oqoltin tumanining toshqindan zarar koʼrgan aholi punktlarida surxondaryolik quruvchilar tomonidan amalga oshirilayotgan uy-joylarni tiklash va taʼmirlash ishlarining borishi bilan tanishdi.

Xabaringiz bor, shu kunlarda Sirdaryo viloyatida suv toshqini oqibatlarini bartaraf etish ishlari ayni avj pallada. Respublikamizning barcha hududlaridan borgan eng mohir usta-duradgor, quruvchi-muhandis, qalbi olov bunyodkorlar bugun “Sardoba” suv ombori talafotlarini bartaraf etishda ulkan shijoat namunalarini koʼrsatmoqda.

Surxondaryo viloyati hokimligi Sirdaryoning Oqoltin tumanidagi “Аhillik“ mahalla fuqarolar yigʼinidagi Bobur nomli aholi punkti, “Navbahor” mahalla fuqarolar yigʼini va unga qarashli “Uchtom” aholi punktida zarar koʼrgan 147 xonadonni qurib, uy-joylar atrofida obodonlashtirish ishlarini amalga oshirishni zimmasiga olgan.

Bugun bu yerda ish qizgʼin. Tiklash jarayonlarida viloyatimizdagi 34 ta yirik pudratchi va yordamchi qurilish korxonasining 1000 nafarga yaqin ishchi-xodimlari kunu tun ishlamoqda. Bundan tashqari, tuman (shahar) obodonlashtirish boshqarmalarining 200 nafardan ziyod xodimlari faoliyat yurityapti.

Biriktirilgan har bir hududga viloyat hokimligidan rahbarlar va ichki ishlar xodimlari masʼul etib tayinlangan. Viloyat IIB Yoʼl harakati xavfsizligi, Favqulodda vaziyatlar, sogʼliqni saqlash boshqarmalari, shuningdek, “Surxondaryo hududiy elektr tarmoqlari” va “Hududgaztaʼminot” korxonalarining oʼnlab xodimlari jalb etilgan.

Hozirgi kunda qurilish-taʼmirlash ishlari 80 foizga bajarildi. Hasharchilarga barcha shart-sharoitlar yaratilgan. Ular yotoq joy, 3 mahal issiq ovqat, ichimlik suvi va boshqa zarur jihozlar bilan toʼliq taʼminlangan.

Toʼra Bobolov Surxondaryo qurilish shtabi aʼzolari, usta-duradgor, quruvchi-muhandislar bilan suhbatlashib, qurilish-montaj va obodonlashtirish ishlarini tizimli tashkil qilish hamda oʼz vaqtida sifatli amalga oshirish yuzasidan zarur koʼrsatmalar berdi.

 

 

Surxondaryo viloyati hokimligi matbuot xizmati

Oʼzbekiston Respublikasi Milliy gvardiyasining Surxondaryo viloyati boʼyicha boshqarmasi harbiy xizmatchilari koronavirus infektsiyasining voha hududi boʼylab tarqalishining oldini olish yuzasidan amalga oshirilayotgan keng koʼlamli tadbirlarda faol ishtirok etmoqda.

Surxonstat.uz
Welcome to Surxonstat   Click to listen highlighted text! Welcome to Surxonstat Powered By GSpeech
Tugmani bosing Tinglash
Tugmani bosing Tinglash