Welcome to Surxonstat   Click to listen highlighted text! Welcome to Surxonstat Powered By GSpeech

Aholini ro‘yxatga olishning asosiy maqsadi O‘zbekiston Respublikasida aholi tarkibining holati va rivojlanish dinamikasi haqida mamlakatni sotsial-iqtisodiy va ijtimoiy-siyosiy rivojlantirish sohasidagi davlat siyosatining ustuvor yo‘nalishlarini belgilash va amalga oshirish uchun zarur bo‘lgan ishonchli va xolis axborotni olishdan iboratdir.

Viloyat statistika boshqarmasida korrupsiyaga qarshi kurashish bo'yicha boshqarmaning bo'lim boshliqlari va xodimlarini  ogohlikka chaqirish va ularning bu boradagi huquqiy bilimlarini oshirish borasida seminar yig'ilishi bo'lib o'tdi.

 2020- yil 30- iyun kuni viloyat statistika boshqarmasida seminar yig'ilishi bo'lib o'tdi. Seminar yig'ilishini boshqarma boshlig'i U.Alimov boshqarib bordi. Yig'ilishda boshqarma boshlig'i o'rinbosarlari va bo'lim boshliqlari ishtirok etishdi.

 Tadbirda O'zbekiston Respublikasi Prezidenti tomonidan 2019- yil 27- mayda “O'zbekiston Respublikasida korrupsiyaga qarshi kurashish tizimini yanada takomillashtirish chora-tadbirlari to'g'risida”gi PF-5729-sonli Farmonining mazmun mohiyati hamda Surxondaryo viloyati hududiy idoralararo komissiyasining navbatdagi yig'ilishida ko'rilgan masalalar yuzasidan statistika tizimi xodimlariga batafsil tushuntirishlar berildi.

 Seminar yig'ilishida korrupsiyaga oid mavzular bo'yicha savol-javoblar bo'lib o'tdi hamda seminar qatnashchilari o'tkazilgan seminarning mavzusi bo'yicha to'liq tushunchaga ega bo'ldilar.

 

 Surxondaryo viloyati statistika boshqarmasi axborot xizmati

Ma’lumki, 2020- yilning 1- iyun kuni davlatimiz rahbari boshchiligida milliy statistika sohasini takomillashtirish chora-tadbirlari boʻyicha o‘tkazilgan yigʻilishda kadrlar masalasiga alohida toʻxtalib, kadrlar tayyorlash tizimini tubdan takomillashtirish va statistika fanini rivojlantirish, tizim xodimlarining bilim va saviyasini oshirish zarurligi taʼkidlangandi.

Shu maqsadda, Surxondaryo viloyat statistika boshqarmasi tomonidan Termiz Davlat universiteti bilan hamkorlikda Surxondaryo viloyati statistika boshqarmasi hamda tuman va shahar statistika bo’limlari xodimlarining kasbiy salohiyatini oshirish bo‘yicha videoseminarlar rejasi tasdiqlangan.

Ushbu rejaga asosan, 2020- yilning 29- iyun kuni tashki etilgan videoseminarda Termiz Davlat universiteti iqtisod kafedrasi katta o'qituvchisi Imomqul Bobomurodov  Surxondaryo viloyati statistika boshqarmasi hamda tuman va shahar statistika bo’limi xodimlariga " Milliy hisoblar tizimining asosiy atamalari va koʼrsatkichlari ”, " Yalpi ichki (hududiy) mahsulotni hisoblash usullari " mavzusida ma’ruza qildi.

Shuningdek, boshqarmaning Statistika  faoliyatini  tashkil  etish va yig'ma axborot-tahliliy ishlari boʻlimi boshlig‘i O'ral Tilovmurodov Yalpi ichki mahsulotning oʼsish surʼatlari va deflyator indekslarini hisoblash usullari, MHT-1993 va MHT-2008 o‘rtasidagi farq, kiritilgan o‘zgarishlar va yangiliklar bilan batafsil tanishtirib o‘tdi.

Seminarda tuman va shahar bo'lim xodimlariga boshqama mutaxassislari tomonidan amaliy ahamiyatga ega bo‘lgan taklif va tavsiyalar berildi.

            Surxondaryo viloyati statistika boshqarmasi axborot xizmati

O’zbekiston Respublikasi Davlat statistika qo’mitisi hamda  barcha viloyat statistika boshqarmalari bilan hamda tuman va shahar statistika bo‘limlari xodimlari uchun statistika sohasida “Axborot texnologiyalarining roli” mavzusida videoseminarlar grafigi tasdiqlangan.

Ushbu grafikka asosan, 2020- yilning 1- iyun kuni davlatimiz rahbari boshchiligida milliy statistika sohasini takomillashtirish chora-tadbirlari bo‘yicha o‘tkazilgan yig‘ilishda ta’kidlab o‘tilganidek, kadrlar tayyorlash tizimini tubdan takomillashtirish va statistika fanini rivojlantirish hamda tizim xodimlarining bilim va saviyasini oshirish maqsadida, 2020-yilning 25-iyun kuni tashki etilgan videoseminarda Surxondaryo viloyati statistika boshqarmasi hamda tuman va shahar statistika bo‘limlari xodimlariga “Statistik hisobotlarni qabul qilishning veb-texnologiyaga asoslangan Estat-4 tizimi” mavzusida ma’ruza qilindi.

Shuningdek, boshqarmaning Dasturiy texnik ta'minot va ma'lumotlarni saqlash markazi boshlig‘i J. Po‘latov “Korxonalar va tashkilotlarning yagona davlat registri maʼlumotlarini elektron toʼlov tizimlari orqali o‘rnatilgan tartibda sotish imkoniyatini beruvchi axborot tizimidan foydalanish, Statistika qo‘mitasining yangi rasmiy veb-saytni ishlab chiqish holati, АKT sohasida keng qo‘llaniladigan asosiy atamalar, dasturiy taʼminotlar” bo‘yicha asosiy tushunchalar haqida batafsil ma’lumot berdi.

Seminar davomida ishtirokchilar tomonidan berilgan savollarga J.Po‘latov atroflicha javob berdi.

 

Axborot xizmati

Surxonstat.uz
Welcome to Surxonstat   Click to listen highlighted text! Welcome to Surxonstat Powered By GSpeech
Tugmani bosing Tinglash
Tugmani bosing Tinglash